khutbah jum'at bahasa jawa bulan hijriyah

ISI KHUTBAH JUM’AT

TAHUN BARU HIJRIAH

Saking : Drs. H Ahmad Supono

Para sederek kaum muslimin ingkang minulyo

Langkung rumiyen kula ngajak dateng panjenengan sedaya lan ugi dateng awak kula piyambak mangga kita samiya nambahi taqwa lan tha’at kita dateng Allah, kanti tansah nindaaken sedaya perintah lan dawuh dawuhipun Allah, saha nalar lan nebihi sedaya awisanipun, wonten ing pundi kemawon kewontenan jembar longgar utawi rupeg, ing kewontenan rame utawi sepi, tansah netepana taqwa dateng Allah supados kita tansah pikantuk rahmat saking ngarsa dalem Allah Ta’ala. Langkung-langkung wonten ing swasana warsa enggal punika samiya ngenggalaken semangat anggenipun kumawala dateng Allah SWT. Kanti semangat hijrah kados ingkang kadawuhaken dening Allah lan kacontoaken dening utusanipun junjungan kita Nabi Muhammad SAW. Dawuh dalem Allah SWT :

¨bÎ) šúïÏ%©!$# (#qãZtB#uä z`ƒÉ‹©9$#ur (#rãy_$yd (#r߉yg»y_ur ’Îû È@‹Î6y™ «!$# y7Í´¯»s9'ré& tbqã_ötƒ |MyJômu‘ «!$# 4 ª!$#ur Ö‘qàÿxî ÒO‹Ïm§‘  

“sejatine wong wong kang pada iman lan wong wong kang pada hijrah lan wong kang pada  jihad ing dedalane Allah iku wong wong kang pada ngarep arep rahmate Allah, lan Allah iku Dzat kang akeh pangapurane lan akeh kawelasane” ( QS. Al-Baqarah 218 )

Para sederek kaum muslimin ingkang minulya

Hijrah kangge kita ing mangsa punika mboten kedah kanti hijrah badaniyah utawi hijrah secara fisik, ananging hijrah kedah kita tindakaken paling mboten hijrah wonten ing perkawis sekawan.

1.      Hijrah Mental

Inggeh menika hijrah kanti ngandaleni nafsu. Saking nafsu amarah tumuju dateng nafsul lauwwammah lan nafsul muthmainnah. Jalaran nafsu amarah punika tentu tansah ngajak tumuju dateng pendamel awon, kados dawuhipun Allah :

¨bÎ) }§øÿ¨Z9$# 8ou‘$¨BV{ Ïäþq¡9$$Î/ ...

‘temenan nafsu iku tansah perintah kelawan panggawe ala ...” ( QS.Yusuf:53)

Tiyang ingkang tansah nuruti nafsu amarah punika tentu tumuju dateng pendamel awon ingkang tansah kedah keturutan pepinginipun, mboten nggagas nuwuhaken kapitunaning liyan, akalipun sampun tunduk lan nyengkuyung dateng pikajenganing nafsu.

Dene nafsul lauwamah menika kesadaran kangge negur pribadi lan diri sendiri, nafsu ingkang sampun mawas diri, inggih kesadaran kangge merubah pribadi sak derengipun dipun tegur dening Allah.

Dawuhipun Allah:

Iwur ãNÅ¡ø%é& ħøÿ¨Z9$$Î/ ÏptB#§q¯=9$#  

“ lan ingsun sumpah demi jiwa kang akeh olehe nggetuni “ ( QS. Al-Qiyamah :2)

Dene nafsul Muthmainnah punika kados ingkang kadawuhaken dening Allah :

$pkçJ­ƒr'¯»tƒ ߧøÿ¨Z9$# èp¨ZÍ´yJôÜßJø9$# ÇËÐÈ   ûÓÉëÅ_ö‘$# 4’n<Î) Å7În/u‘ ZpuŠÅÊ#u‘ Zp¨ŠÅÊó£D ÇËÑÈ   ’Í?ä{÷Š$$sù ’Îû “ω»t6Ïã ÇËÒÈ   ’Í?ä{÷Š$#ur ÓÉL¨Zy_ ÇÌÉÈ  

“ Hai jiwa kang anteng, baliya marang pangeranmu kelawan ridla lan diridlani pangeranmu. Mlebua ing golongane kawulaKu. Lan ing dalem swargaKu. (QS.Al-Fajr : 27-30)

Hijrah mental kida kedah saget tumuju nggayuh jiwa ingkang muthmainnah supados kita kalebet golonganipun kawula ingkang pikantuk karidlan saking ngarsa dalem Allah Ta’ala

2.      Hijrah kultural

Inggih menika hijrah saking keterbelakangan tumuju dateng kemajengan. Kawontenan kita ingkang tasih katah katilar dening kemajengan, kedah dipun ikhtiyari supados langkungsaget nggayuh kawontenan ingkang langkung sae. Kados dene kawontenan lare lare ingkang cekap kathah mboten saget sinau lan menempuh pendidikan, mekaten ugi jumlah tenaga kerja ingkang langkung ageng katimbang wontenipun pakaryan.

Mekaten ugi kabudayan ingkang saya ngrisak dateng akhlak lan moralipun masyarakat kanti dalih kebebasan berkreasi, lan sak panunggalanipun. Punika kedah kita atasi supados mboten ngombro-ombro, syukur saget gumatos pengadatan utawi adat kito dados kabudayan ingkang saras kaliyan tuntunan agami islam ingkang leres. Amargi ing jaman punika musuh-musuh islam nyebaraken kebudayaan ingkang mboten wonten tuntunan agami islam lan katah-katahipun umat islam mboten ngraosaken.

3.      Hijrah sosial

Inggih punika hijrah saking kondisi sosial ingkang nembe ketaman bencana, jalaran mboten namung fisik ingkang dados korban nemahi kerisakan, nanging kewontenan sosial ugi nemahi katah kerisakan kados penipun dateng sederek piyambak, permusuhan, korupsi lan sak panunggalanipun. Hubungan pasederekan, tetanggan lan sesrawungan katah, punika kedah dipun usahani kanti hijrah tumuju dateng kondisi sosial ingkang langkung sae. Tiyang pinter pirang-pirang nanging tiyang bener arang-arang. Mila semanget hijrah kedah tumanem wonten ing manahipun saben saben tiyang islam sepanjang zaman.

4.      Hijrah Mental

Hijrah mental punika upaya perubahan kangge nggayuh kawontenan ingkang langkung sae ing babagan ekonomi. Kita kedah gumbregah kedah cancut tali wanda, mboten kenging kedlarung, berlarut-larut ing swasana sungkawa nggetuni dateng kewontenan, kedah semangat makarya kangge nggayuh kebahagyaan dunya lan akhirat, dunyane nggayuh baldatun thayyibatun warabbun ghafur, akhirate beja mulya slamet saking siksa akhire mlebet swarga. Aamiin.

أقول قولى هذا واستغفروا الله لى ولكم إنه هو الغفور الرحيم